பெய்யென பெய்யும் மழை - வைரமுத்து

பத்து வருடத்துக்கு முன் வெளிவந்த வைரமுத்துவின் "பெய்யென பெய்யும் மழை" புத்தகத்தை நேற்று தான் படிக்கும் வாய்ப்பு கிடைத்தது..240 பக்கம் கொண்ட புத்தகத்தை நேற்று நான் படித்து முடிக்கும் போது நேரம் 1.15am.. மிகவும் அருமையான கவிதைகளின் தொகுப்பு..படிக்க..படிக்க.. என்னுடைய தாகம் தீரவில்லை..

அதை உங்களிடத்தில் பகிர்ந்து கொள்ள விரும்புகிறேன்.. நான் 

வைரமுத்துவின் ரசிகன் என்பதையும் நினைவில் கொள்க..

கல்லூரி விடுமுறையில் இருப்பதால் வீட்டில் ரொம்ப Bore அடிக்கிறது என்று அப்பாவின் நண்பரிடம் கூறியபோது அவர் இந்த புத்தகத்தை தந்தார்..

இந்த புத்தகத்தை பற்றிய கலைஞரின் விமர்சனத்தை படித்து உள்ளேன்..அன்று முதல் இதை படிக்க வேண்டும் என்ற "அவா" ஏற்பட்டது .அது நேற்று 

நிறைவேறியது.

வைரமுத்து - தமிழ்க்கடலில் கிடைத்த ஒரு அரிய முத்து..அது எனக்கு நேற்றும் உறுதிபடுத்தப்பட்டது .

பக்கங்களை புரட்டுவோமா.. 

விவசாயிகளின் துயரத்தை வடித்து இருக்கும் வைரமுத்து..

"ஊரெல்லாம் தேடி 

ஏர் மாடு இல்லாட்டி

 இருக்கவே இருக்கா 

இடுப்பொடிஞ்ச பொண்டாட்டி "

"ஏர் பிடிக்கும் சாதிக்கு 

இதுவே தான்  தலையெழுத்தா ?

விதி முடிஞ்ச ஆளுக்கே 

விவசாயம் எழுதி இருக்கா ?? "

என்று தன்னுடைய மண்வாசனை வார்த்தைகள் மாறாமல் வடித்து உள்ளார்.

"மௌனத்தில் புதைந்த கவிதைகள் " என்னும் தலைப்பில் காதலால் அவஸ்தை படும் பெண் கூறுவது போல் 

"காச நோய் காரிகளும் 

கண்ணுறங்கும் வேலையில 

ஆச நோய் வந்த மக 

அரை நிமிஷம் தூங்கலையே "

"ஏழை பொம்பளைக எதுவும் சொல்ல முடியாது 

ரப்பர் வளைவிக்கு சத்தமிட வாயேது "

என்ன ஒரு உவமை "ரப்பர் வளைவிக்கு சத்தமிட வாயேது" !!!

"காலமே என்னை காப்பாற்று " என்னும் தலைப்பில்  ரசனை போங்க ஒரு கவிதை..

"அதிகாலை கனவு கலைக்கும் அலாரத்திடம்    இருந்தும் ..

எல்லோரும் கதறி அழ 

எனக்கு மட்டும் கண்ணீர் வராத 

எழவு வீட்டில் இருந்தும்..

காலமே என்னை காப்பாற்று.."

என்று அது நீள்கிறது ...அத்தனையும் ரசனையின் உச்சம்!!

வாழ்வதற்கு விலையாக தன் உடலை விற்ற பெண்ணிடம் வைரமுத்து நேர்காணல் காண்கிறார்!!

• உட்கார் ..பெயர் சொல் பெண்ணே ..

அப்பா அம்மா சூட்டியது  "மகாலட்சுமி "

மாமா சூட்டியது "சுகப்ரியா"

என அந்த நேர்காணல் நீள்கிறது..

• உன் போன்றோர் தோன்ற காரணம் ?

செல்வத்தின் எச்சமும் ..வறுமையின் உச்சமும்..

• இரைப்பை நிரப்பவா கருப்பையை பட்டினி இட்டாய்?

சில உறுப்புக்கள் அனாவசியம் 

குடல் வாழ்,இரண்டாம் கிட்னி , ஆறாம் விரல் 

எனக்கு கருப்பை 

• எதுவரைக்கும் இந்த தொழில்??

திருமணம் - எய்ட்ஸ் 

இரண்டிலொன்று முந்தும் வரை 

இன்னும் பல..நெஞ்சை உலுக்கும் கவிதை அது..

"பூக்களும் காயம் செய்யும் " என்னும் தலைப்பில் ...

அவர் தன் காதலியை பார்த்து உரைப்பது போல்..

"தூக்கு கைதியின் கடைசி ஆசை போல் 

ஏன் பிரியும் போது பிரியம் உரைத்தாய் "

என நீளும் அந்த கவிதையில் ..

"உன் காதலறிந்த கணத்தில் 

என் பூமி பூக்களால் குலுங்கியது

நீ வணங்கி பிரிந்த வேலை

என் இரவு நடுங்கியது "

"பிரிவை  தயாரித்து கொண்டு தானே 

காதலை உரைத்தாய்" 

ஒரு காதலனின் வலி வார்த்தைகளை கவிதை ஆக்கி உள்ளார் கவிப்பேரரசு !!!

இது  முதல் 150 பக்கங்களின் அங்கொன்றும் இங்கொன்றுமாய் உள்ளனவை தான்..

இன்னும் திருப்ப வேண்டிய பக்கங்கள் நிறைய ..

இந்த மதிப்புரை "பெய்யன பெய்யும் மழை" பெருங்கடலில் ஒரு சின்ன முத்து. இன்னும் நிறைய முத்துகள் வைரமுத்துவால் ஒளி ஊட்டபட்டுள்ளன ..

வாய்ப்பு கிடைத்தால் வாங்கி படியுங்கள்..மனம் உங்களை அறியாமல் உருகும்!!

அருமையான தொகுப்பு !!

அற்புதமான படைப்பு !!

மன்மதன் அம்பு!!

கமலஹாசன் படம் தியேட்டர்ல பார்த்து ரொம்ப நாள் ஆச்சேன்னு படம் பார்க்க தியேட்டர்க்கு போனேன் .டிக்கெட் 60 ரூபா கொடுத்து உள்ளே போனேன்.. மொத்தம் ஒரு 26 பேரு இருந்தோம் ..எனக்கு அப்பவே சந்தேகம் வந்துச்சு ..ஆனா கவலைபடாம போய் உட்கார்ந்தேன் .

fan எங்கே இருக்குனு பார்த்து அங்கே போய் உட்கார்ந்தேன்..கடைசி சீட்டுக்கு முன்னாடி சீட்டு..என் வரிசையிலும் எனக்கு பின்னாடியும் யாருமே

இல்லை .கொஞ்சம் பயமா தான் இருந்துச்சு..அப்ப தான் ஒரு பையனும் ஒரு பொண்ணும் எனக்கு பின்னாடி ஓரத்துல உட்கார்ந்தாங்க..

சில மொக்கை விளம்பரங்கள் போட்டுட்டு படம் ஆரம்பிச்சானுங்க..

ஆரம்பத்துல ஒரு 20 நிமிஷம் கமலஹாசன் இல்லை..அது வரைக்கும் த்ரிஷா .மாதவன் பத்திய flashback ஓடுனுச்சு..த்ரிஷா ஒரு நடிகையாவே நடிச்சி இருக்காங்க..அவருக்கும் மாதவனுக்கும் காதல்.. ஒருநாள் ஷூட்டிங்க்கு மாதவனும் அவங்க அம்மா உஷா உதுப்பும் போறாங்க..அங்கே தான் சூரியா - த்ரிஷா டான்ஸ்.அங்கே த்ரிஷா மேல மாதவனுக்கு சந்தேகம் வருது ..அது வளர்ந்து கொடைக்கானல் -ல அவங்க கார்ல போறப்ப ரெண்டு பேருக்கும் சண்டை வருது ..அந்த நேரத்துல த்ரிஷா காரை இன்னொரு கார் மேல இடிச்சிடுறாங்க..திரும்பி பார்த்த அந்த காரை காணும் ..

த்ரிஷா வெளிநாட்டுல இருக்குற தன் தோழி சங்கீதாவோட இருக்க பாரிஸ் போறாங்க ...அங்கே த்ரிஷாவ உளவு பார்க்க மாதவன் வச்ச ஆள் தான் கமல் ..!! கமல் தன்னோட நண்பன் ஆபரேஷன்-க்காக உளவு பாக்குறார்...அங்கே த்ரிஷா வை பற்றி தவறாக மாதவனிடம் கூறுகிறார்..அதனால் ஏற்படும் விளைவுகள் என செல்கிறது .. கொடைக்கானல் -ல த்ரிஷா  மோதின கார் கமலோட கார் என்பதும், அதுல கமல் மனைவி இறந்துட்டாங்க என்பதும் கொஞ்சம் திருப்பம்..மாதவன் மேல உள்ள வெறுப்பு மற்றும் கமல் மேல உள்ள அனுதாபம் ரெண்டும் த்ரிஷாவை கமல்ல காதலிக்க வைக்குது ..இதுக்கு பின் பல குழப்பங்களுடன் படம் நிறைவு அடைகிறது..

TAIL PIECE :

•   இண்டர்வல்-ல ஒரு 8 பேரு எஸ்கேப் ..எனக்கு பின்னாடி இருந்த அந்த ஜோடியும் இண்டர்வல்க்கு அப்புறம் எஸ்கேப் (அவங்க வேலை முடிஞ்சுது போல)
• இந்த படம் பாதி இங்கிலீஷ் படம் ... கமலஹாசன் நல்லாபேசுனாலே புரிஞ்சுக்கு கஷ்டபடுவோம்..இதுல நிறைய எடத்துல அவர் என்ன பேசுறார்னே புரியல ..
• கமலோட ரசிகர்ளுக்கு இந்த படம் ரொம்ப பிடிக்குதாம்(??!!) ..மத்தவங்களுக்கு சுத்தமான மொக்கை .
• படத்தின் திரைக்கதை புரியாத புதிர்!! ரவிக்குமார் இப்படி ஏமாத்துவர்னு நான் கனவுலையும் நெனைக்கல!!

• 60 ரூபா போய்டுச்சேனு வெளியே வந்தேன்..அங்கே வெளியே அடுத்த ஷோக்காக
  

  காத்திருந்தவங்கள   பார்த்துட்டு சிரிப்பு தான் வந்துச்சு!!

  மன்மதன் அம்பு  - உடைந்த கம்பு

வணக்கம்..

எத்தனையோ தளங்களை பார்த்திருபிர்கள்..இந்த தளம்  உங்களுக்கு ஒரு புது அனுபவத்தை தரும் என்று நம்புகிறேன்..
திரைப்படம்,அரசியல்,இன்னும் பல உங்கள் பார்வைக்காக!!
மற்றவை படைப்புகளில்..